عرب سيد للمحترفين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


عرب سيد للمحترفين اكثر من مجرد منتدى
 
الرئيسيةالبوابةأحدث الصورالتسجيلدخول
Share

المواضيع الأخيرة
» UnHackMe 7.71 Build 471
سناريو لا يتغير فى البيوت المصريه من يوم 25 يناير مهم جدا Emptyالخميس مارس 05, 2015 6:33 am من طرف el-sanafawy

» Media Player Codec Pack 4.3.6
سناريو لا يتغير فى البيوت المصريه من يوم 25 يناير مهم جدا Emptyالخميس مارس 05, 2015 6:30 am من طرف el-sanafawy

» Viber Desktop Free Calls & Messages 5.0.1.42
سناريو لا يتغير فى البيوت المصريه من يوم 25 يناير مهم جدا Emptyالخميس مارس 05, 2015 6:24 am من طرف el-sanafawy

» فيلم الأكشن والتشويق الرائـع I Come with the Rain 2008 مترجم بمساحة 218 ميجا ! وبتحميل مباشر على 23 سيرفر
سناريو لا يتغير فى البيوت المصريه من يوم 25 يناير مهم جدا Emptyالإثنين نوفمبر 24, 2014 6:33 am من طرف raouf habib

» I BLURAY I فيلم الرعب والإثاره المنتظر As Above, So Below 2014
سناريو لا يتغير فى البيوت المصريه من يوم 25 يناير مهم جدا Emptyالسبت نوفمبر 22, 2014 5:28 am من طرف el-sanafawy

» فيلم الرعب والإثارة الرهيب The Darkening 2014 مترجم
سناريو لا يتغير فى البيوت المصريه من يوم 25 يناير مهم جدا Emptyالسبت نوفمبر 22, 2014 5:25 am من طرف el-sanafawy

»  AVG 2015 15.0.5577 Final
سناريو لا يتغير فى البيوت المصريه من يوم 25 يناير مهم جدا Emptyالسبت نوفمبر 22, 2014 2:31 am من طرف el-sanafawy

»  WinRAR 5.20 Beta 4
سناريو لا يتغير فى البيوت المصريه من يوم 25 يناير مهم جدا Emptyالسبت نوفمبر 22, 2014 2:27 am من طرف el-sanafawy

»  Adobe Photoshop Lightroom 5.7 Final
سناريو لا يتغير فى البيوت المصريه من يوم 25 يناير مهم جدا Emptyالسبت نوفمبر 22, 2014 2:25 am من طرف el-sanafawy

سناريو لا يتغير فى البيوت المصريه من يوم 25 يناير مهم جدا Fb110
أنت غير مسجل فى منتديات عرب سيد للمحترفين . للتسجيل الرجاء إضغط هنـا

 

 سناريو لا يتغير فى البيوت المصريه من يوم 25 يناير مهم جدا

اذهب الى الأسفل 
كاتب الموضوعرسالة
el-sanafawy
المدير العام
المدير العام
el-sanafawy


الجنس : ذكر
عدد المساهمات : 1274
تاريخ التسجيل : 08/01/2011
العمر : 31
مكان السكن مكان السكن : egypt
المزاج المزاج : بحب الناس الرايقة

سناريو لا يتغير فى البيوت المصريه من يوم 25 يناير مهم جدا Empty
مُساهمةموضوع: سناريو لا يتغير فى البيوت المصريه من يوم 25 يناير مهم جدا   سناريو لا يتغير فى البيوت المصريه من يوم 25 يناير مهم جدا Emptyالخميس فبراير 10, 2011 6:13 am

ها ... الريس اتنحى ولا لأ ؟

حاجة غريبة قوى اللى بيحصل دة ...11 يوم عدوا كلهم زى بعض مافيش جديد

تصحى الصبح تفتح عينيك تسأل نفس السؤال ...ها الريس اتنحى ولا لأ ؟
......
والأجابة : لا

ام عالطول السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك... ولسانك يستغفر ويدعى ان ربنا يعدى اليومين دول

على خير

تشغل التليفزيون شوية على قناة العربية وبعدين ال بى بى سى ...تلاقى ناس
بتسب فى النظام والبلطجية وصورة مركزة على ميدان التحرير من بعيد وباين
فيها ناس كتير وشريط اخبار ان المئات يتوافدون على الميدان علشان يوم
مليونى جديد

اعصابك تبوظ ... وتقول دى قنوات عميله عايزة تشعللها ، لما اجيب التليفزيون المصرى علشان يطمنك شوية ( زى حنان الأم كدة) بس

قبل ما تحول تقول ...اشوف الجزيرة اشتغلت ولا لسه ...وانت متأكد ان الجزيرة مش هاتشوف النايل سات تانى

وتجيب المصرية ...صورة لناس مؤيدين للرئيس مبارك امام مبنى التليفزيون او فى ميدان مصطفى محمود

وطبعا الصورة من قريب علشان العدد قليل ومش عايزين يبينوا كدة ...فاديلوا كادر قريب

ونفس المذيع ونفس المذيعة ولسه بيناشدوا كل اللى عايز يطلع من ميدان
التحرير ...كل اللى عايز يطلع يقف ويحط ايده اليمين على صدرة ويغمض عينه
ويقول الحقنى الحقنى يابن الجنى ...واحنا هانبعتله العفريت ينقذة من الغابة
واكلى لحوم البشر اللى فى الميدان

تهز دماغك تانى وتقول كلام قبيح ... وتقفل التليفزيون وتفتح النت ...ماهو رجع الحمد لله

وتفتح الفيسبوك (سبب المصايب، اعوذ بالله) اللى لو عم مارك زوكربيرج كان يعرف انه هايكون السبب في كل المصايب دى كان ولع

فى الكود بتاعه

وتبدأ تقرأ ال ستاتس بتاعة صحابك ...

غدا جمعة الخلاص 1

2 بكرة جمعة الأستقرار (وده طبعا واحد تعب من كتر ما بيتظاهر )و

3 سيبوا الريس بقى ماهوا ماشى ماشى ...اوف

4 هاطلع عين ام اللى مش نازل التحرير

5 الحب يأتى مره واحد فى العمر (وده طبعا واحد ماعملش ابديت لل ستاتس من ساعة ما قفلوا النت ) والحمد لله

6 هاطلع عين ام اللى هاينزل التحرير

7 ياجدعان بيقولوا ان فى شجر بيتكلم وديناصورات حوله بتأكل المتظاهريين فى التحرير

8 ما فيش حاجة اسمها حب فى الدنيا دى (ودى طبعا نفس حالة رقم 5 وغالبا بترد علية) و

9 هو الفيسبوك اشتغل عندكوا يا جدعان ( وده عيل ابن تيييييت ...غبى بيتعامل مع النت كأنه مية مقطوعة )و

10 يا احمد رد عليا ...بتحبنى ولا لأ ...قولى بسرعة قبل ما يقطعوا النت تانى

وفجأة تلاقى استاتس او كومنت يستفذك ...وتدق طبول الحرب فى ودنك ...هجوووووووووووووم

وتبدأ ترد وتنقد فى واحد نازل التحرير او واحد مش عاوز ينزل (حسب ميولك
النهاردة) وتلم الناس علية علشان يشاركوا فى الحرب وتعملوا لايك لبعض لغاية
لما يزهق ويسكت او يعمل نفسه اوف لاين لغاية لما يجيب رجالة وييجى

وشوية ويجيلك صورة من شبكة رصد او كلنا خالد سعيد ...والصورة واحدة من تلاتة

ميدان التحرير ....شهيد للمظاهرات ...صورة لحسنى مبارك

ومع الصورة 956 كومنت و 164 لايك

وتفتح الكومنت وتلاقى خناقة وناس بتشتم بعض ..فتشتم بدورك وتطلع اوتعمل لايك (برضه حسب ميولك النهاردة) وشوية وتزهق

وتيجى تقفل النت ..تلاقى صاحبك اللى كان عامل نفسة اوف لاين جاب رجالة ورجع تانى وبيقبحلك

وتشتموا بعض ..وبعدين تعتذروا ...وكل واحد يقول للتانى ..انت فهمتنى غلط ماكانش قصدى

وتقفل النت ...وتسأل تانى ..لسه ماتنحاش ...طب الناس اللى فى التحرير ما قلتشى ...

وأحمد شفيق يظهرلك فى كل القنوات ويحلف ...عليا الحرام من دينى وعزة جلالة الله الريس اتغير وعايز يصلح البلد اقبل مايمشى

ومذيع او صحفى غتيت يقولوا ...وايه اللى يضمنلى ...ويقترح ان حد ينزلهم التحرير

وشفيق يقول يا ريت

تقفل التليفزيون وتقول اوف ...لما انزل شوية ، وتبص ف الساعة وقلبك يقع فى رجليك ...الساعة بقت خمسة

الحظر جه ...الحظر جه

وعلى مزيكة ميشون امبوسيبل ...تتحول وتلبس وش الرجل الذئب ...وتطلع السكينة من تحت السرير وتنزل ع الشارع

تلعب دورك فى مهزلة اللجان الشعبية ... لحماية مصر من اللصوص والعصابات المتوحشة

ويجيلك واحد كل نص ساعة ويقولكوا ... "يا جدعان ، فى عربية هاتعدى دلوقتى
فيها 3 معاهم سلاح وخاطفين نسوان ...خلى بالكوا " ثم يختفى ابن الحرام ولا
يظهر ال*****ة ولا حتى النسوان

وعينك تغفل ولما تيجى تأخد تعسيله ع السريع ...يطلع ابن الحرام تانى ..."
يا جدعان ، جايين دلوقتى فى عربية فراخ وعملين نفسهم كتاكيت"

ولا تغيير ... لا العربية بتيجى ولا صوت لكتكوت واحد

والساعة تيجى تمانية الصبح ...تطلع تنام علشان

تصحى الصبح تفتح عينيك تسأل نفس السؤال ... ها الريس اتنحى ولا لأ ؟

والأجابة : لا

ام عالطول السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك...

وفى انتظار النهاية......
الرجوع الى أعلى الصفحة اذهب الى الأسفل
https://arabseed4prof.yoo7.com
 
سناريو لا يتغير فى البيوت المصريه من يوم 25 يناير مهم جدا
الرجوع الى أعلى الصفحة 
صفحة 1 من اصل 1
 مواضيع مماثلة
-
»  النساء الغير مرغوبات عند الرجل حسب دراسه في احدي الكليات المصريه
» حصرياً : الفيلم الوثائقى الكوبرا المصريه بمساحه 67 ميجا على اكثر من سيرفر صاروخى ‏
» حصريا: احلى اوبريت عن الثورة المصريه ((( شعب الحرية والسلام ))) غناء المجموعة على اكثر من سيرفر
» كلمه نادره للرئيس جمال عبد الناصر ونص التسجيل الصوتي للقذافي وتقرير عن متفجرات المحكمه المصريه :: علي اكثر من سيرفر مباشر
» صور شهداء ثورة 25 يناير

صلاحيات هذا المنتدى:لاتستطيع الرد على المواضيع في هذا المنتدى
عرب سيد للمحترفين :: المنتديات العامة :: غرائب وطرائف-
انتقل الى: