قول كلمتك , مانت ياما قولتها

(( ..... قول كلمتك , مانت ياما قولتها ..... ))
قول كلمتك ..... دانا ليك انت بس رفعت ايدى يارب
..... وقابل ارفعها تانى وتالت .
قول كلمتك ..... مانت اللى قادر وبسلطان تحل اى كرب
..... لو الكلمة منك اتقالت .
قول كلمتك ..... مانت ياما قولتها
واسكب نعمتك ..... شعبك بجد محتاجها
قول كلمتك ..... دا بسلطانك ثبتٌ الشمس فى السما
..... وعلقت الارض فى الفضا .
قول كلمتك ..... يا خالق الجسد من تراب
..... وبنسمة منك اوجدت فيه الحياة .
قول كلمتك ..... دانت القادر برحمتك تشيل الهم
..... وقادر تعدلها لو فى يوم مالت.
قول كلمتك ..... يا واهب الراحة للى (( آآآآآه متآلم ))
..... دا بكلمتك الحمول من على الكتاف اتشالت .
قول كلمتك.